Ս․թ․ մայիսի 26-ին Ստեփանակերտի մշակույթի և երիտասարդության պալատում կայացել է Արցախի Հանրապետության կրթության, գիտության, մշակույթի և սպորտի նախարար Անահիտ Հակոբյանի մամլո ասուլիսը պաշտոնավարման 100 օրվա կապակցությամբ: ԿԳՄՍ նախարարը ներկայացրել է իրականացվող կրթագիտական, մշակութային և սպորտային քաղաքականության առանցքային կետերը, ոլորտի ընթացիկ և նախատեսվող ծրագրերը։

• Ա. Հակոբյանն անդրադարձել է նախադպրոցական, հանրակրթության և բարձրագույն կրթության ոլորտներում առկա խնդիրներին և լուծման ուղիներին։
• Նախատեսվող կարևոր իրադարձություն է համարել Արցախում Անանիա Շիրակացու ճեմարանի բացումը, որը մեծ հնարավորություն է մասնագիտական կողմնորոշում ունեցող ավագ դասարանների աշակետների համար:
• Նախարարն օրակարգային խնդիր է համարել տեղահանված ուսուցիչների աշխատանքի ապահովման հարցը՝ «Երկարօրյա դպրոց» ծրագիրը դիտարկելով որպես այլընտրանք։
• Անդրադարձել է մշակույթի ոլորտում առկա խնդիրներին, մասնավորապես օկուպացված տարածքների պատմամշակութային ժառանգության պահպանության հարցերին։
• Կարևորել է ռազմահայրենասիրական և սպորտի ոլորտներում ունեցած ձեռքբերումները: Վերջում ԿԳՄՍ նախարարը պատասխանել է լրագրողների հարցերին։