Սուրբ Սարգիս զորավարի բարեխոսությամբ այսօր նշում ենք Երիտասարդների օրհնության օրը… Երիտասարդություն, ով վերջին ժամանակներում փառավորվեց անգնահատելի սխրագործություններով՝ անցնելով մեծն բարեխոսի արահետներով:

Ընտանիքի և մայր հողի հանդեպ վեհագույն զգացումով դաստիարակված հայ երիտասարդը սրբադասվեց հանուն հայրենիքի ազատության ու հավատի անսասանության:

Մեծ է այսօր քո վաստակը, սիրելի՛ երիտասարդ:Ապրելու և արարելու քո կամքով է շնչում մայր հողը, քո երազաքների ու նպատակների իրականացման հավատով է բաբախում ազգիդ ընկճված սիրտը:

Խելահեղ ու խիզախ մտահղացումների իրականացման ժամանակը՝ ազգի ու հայրենիքի փրկության բանալին այժմ քո ձեռքում է: Շարժվի՛ր պապերիդ անցած անշեղ ուղով, բացառի՛ր մոլորվելու և գայթակղվելու բոլոր հնարավորությունները:

Քո ազնիվ ու արդար գաղափարների իրականացման հովանավորը միմիայն Տերն է, ում հասու են սիրո և երիտասարդների հովանի սուրբ Սարգսի բարեխոսությունները:

Թող Աստծո աջը միշտ հովանի լինի Ձեզ:

ԱՀ ԿԳՄՍ նախարար Անահիտ Հակոբյան