Ոչ թե ապրել կարոտախտով, այլ գործնականում օգտակար լինել հայրենիքին: Այս համոզմունքով ընտանիքով Արցախում է հանրահայտ նյութագետ, արցախյան արմատներ ունեցող պրոֆեսոր Արտյոմ Օգանովը: Նրանց ընդունել է կրթության, գիտության, մշակույթի և սպորտի նախարար Լուսինե Ղարախանյանը, քննարկել ժամանակակից բարձրագույն կրթությանն առնչվող հարցերի լայն շրջանակ: Օգանովները պատրաստակամություն են հայտնել նպաստել արցախցի ուսանողների կրթությանը Ռուսաստանի Դաշնությունում, նաև հեռավար դասախոսություններ կազմակերպել աշակերտների և ուսուցիչների համար: