ԽՈՐԱԳՐՈՎ ՀԻՇԱՏԱԿԻ ՏՈՒՐՔ

1. Ծրագրի նկարագրությունը

Արցախյան պատերազմներում զոհված քաջարի մարտիկների հիշատակը վառ պահելու համար ԱՀ ԿԳՄՍ նախարարության աշխատակազմի երիտասարդության հարցերի բաժինը 2016թ-ից երիտասարդների մասնակցությամբ պարբերաբար իրականացնում է այցելություններ արցախյան պատերազմներում զոհված նահատակների շիրիմներին: 

Ս.թ. մայիսին նախատեսվում է երիտասարդների այցելություններ ԱՀ Ստեփանակերտի, Մարտունու, Մարտակերտի և Ասկերանի եղբայրական գերեզմանատներ, Եռաբլուր  Պանթեոն, ՀՀ մարզկենտրոնների եղբայրական գերեզմանատներ:

2. Ծրագրի նպատակը

Հարգանքի տուրք մատուցել զոհված հայորդիների շիրիմներին, զորակցություն հայտնել նրանց հարազատներին: Երիտասարդության  մոտ ձևավորել պահանջատիրության զգացում, հպարտություն՝ Հայոց բանակի, նրա քաջարի որդիների կատարած սխրանքների հանդեպ, նրանց կիսատ թողած գործը շարունակելու և հայրենի երկրին տեր կանգնելու պատրաստակամություն: 

3. Ծրագրի մասնակիցները

Ծրագրին կներգրավվեն ԼՂՀ ԿԳՄՍ նախարարության աշխատակազմի երիտասարդության հարցերի բաժնի աշխատակիցներ, ԵՀԿ անդամներ, ուսանողներ: