Հունվարի 29-ին ԱՀ ԿԳՄՍ նախարար Լուսինե Ղարախանյանը պարգևատրել է սպորտի բնագավառի մի խումբ ներկայացուցիչների, ովքեր միջազգային և ՀՀ առաջնություններում արձանագրել են լավագույն արդյունքներ։

2021 թվականին 12 մարզաձևում լավագույն արդյունքներ ցուցաբերած մարզիկներն (թվով 51 հոգի) արժանացել են դրամական պարգևների։

«Ես սպորտի պոտենցիալը շոշափել եմ 44-օրյա պատերազմի ընթացքում և հետո, երբ հասկացել եմ, որ այս ոլորտից պատերազմին մասնակցել  և իրենց կյանքն են զոհել 40, վիրավորվել՝ 30 մարզիկներ: Սպորտը ինքնակազմակերպվածության, նպատակասլաց, հետևողական, սկբունքային լինելու, կամքը կոփելու ամենալավ միջոցն է: 44-օրյա պատերազմից հետո սպորտի բնագավառի նվաճումները աննախադեպ են եղել, որը պայմանավորված է պատերազմի հետևանքներով: Ես համոզված եմ, որ 2022 թվականը իր ցուցանիշներով գերազանցելու է 2021 թվականին»,-ընդգծել է նախարարը: